ინტერნაციონალიზაცია აკადემიაში წარმოადგენს ინსტიტუციური განვითარების ერთ-ერთ მიმართულებას და ემსახურება აკადემიის საგანმანათლებლო, კვლევითი და ადმინისტრაციული საქმიანობის ხარისხის გაუმჯობესებას საერთაშორისო გამოცდილების, სტანდარტებისა და პარტნიორული თანამშრომლობის გამოყენებით.
ინტერნაციონალიზაცია აკადემიაში ხორციელდება შემდეგი მიმართულებებით:
- უცხოურ საგანმანათლებლო დაწესებულებებთან, კვლევით ცენტრებთან და შესაბამის პროფესიულ ორგანიზაციებთან პარტნიორული ურთიერთობების განვითარება;
- საერთაშორისო და ადგილობრივ პარტნიორებთან თანამშრომლობით საგანმანათლებლო პროექტების, პროგრამის კომპონენტებისა და სასწავლო აქტივობების განვითარება;
- ერთობლივი საგანმანათლებლო და კვლევითი ინიციატივების, მათ შორის ერთობლივი პროექტების განხორციელების ხელშეწყობა, კანონმდებლობითა და აკადემიის საქმიანობის სპეციფიკით დაშვებულ ფარგლებში;
- უცხოელი ინსტრუქტორების, ექსპერტებისა და სპეციალისტების ჩართვა აკადემიის საგანმანათლებლო და პროფესიულ საქმიანობაში;
- საერთაშორისო სტანდარტების, აკადემიური და პროფესიული პრაქტიკის შესწავლა, ანალიზი და საჭიროების შემთხვევაში მათი ადაპტირება;
- საერთაშორისო კონფერენციებში, სემინარებში, სამუშაო შეხვედრებსა და პროფესიულ ღონისძიებებში მონაწილეობა;
- საერთაშორისო თანამშრომლობის შედეგად მიღებული გამოცდილების გამოყენება აკადემიის საგანმანათლებლო, კვლევითი და ადმინისტრაციული პროცესების გაუმჯობესებისთვის.
